У Беларусь прыходзіць сапраўдная вясна

Заўтра паветра прагрэецца да +17 градусаў.

Прагноз надвор'я на найбліжэйшыя тры дні апублікаваў сайт Гідраметцэнтра.

21 сакавіка чакаецца воблачнае з праясненнямі. Удзень на большай частцы тэрыторыі краіны ападкі, у асноўным дождж.

Вецер паўднёвы, паўднёва-заходні ўмераны да парывістага. Тэмпература паветра максімальная ўдзень +5..+11°С, на паўднёвым захадзе +12..+15°С.

Атмасферны ціск уначы істотна не зменіцца, удзень будзе падаць.

22 сакавіка ўначы пераважна ў заходніх і ўсходніх раёнах Беларусі, удзень на большай частцы тэрыторыі краіны кароткачасовыя дажджы. Уначы і раніцай слабы туман. Тэмпература паветра мінімальная ўначы +1..+6°С, максімальная ўдзень +3..+10°С, на паўднёвым усходзе +11..+17°С.

23 сакавіка ўначы чакаецца пераважна на паўднёва-ўсходняй палове краіны, удзень у паўднёвых і заходніх раёнах кароткачасовыя дажджы. Уначы і раніцай слабы туман. Тэмпература паветра ўначы -3..+3°С, на паўднёвым усходзе да +6°С; днём +7..+12°С, на поўдні да +14°С.