Жыхары Веткі абураныя падрыхтоўкамі да прыезду Лукашэнкі
49- 21.03.2017, 11:17
- 8,463
У райцэнтры высякаюць дрэвы, якія служаць домам для птушак з Чырвонай кнігі.
Чарнобыльскі райцэнтр Ветку ўлады рыхтуюць да прыезду Лукашэнкі на гадавіну катастрофы на ЧАЭС. У горадзе ўжо пачалі высякаць старыя дрэвы, чым абурыліся мясцовыя жыхары.
Але райцэнтр можа застацца не толькі без дрэў, многія з якіх не хварэюць і могуць упрыгожваць горад яшчэ дзесяцігоддзямі, але і... без соваў! Справа ў тым, што рэдкі від птушак з Чырвонай кнігі Беларусі - сава-сплюшка - жыве як раз на гэтых дрэвах, паведамляе greenbelarus.info, куды звярнуліся веткаўцы.
Нагадаем, з прыездам Лукашэнкі ў Ветку звязваюць і магчымае закрыццё ў Гомелі філіяла Веткаўскага музея, які стаў галоўным цэнтрам беларускай культуры ў горадзе.