Беларускі гулец у покер выйграў $420 тысяч у Макао
23- 21.03.2017, 12:14
- 12,295
На фінальнай раздачы беларус гуляў з легендарным онлайн-гульцом з ЗША Томам Дванам.
Мікіта Бадзякоўскі з Беларусі, вядомы сваім інтэрнэт-псеўданімам fish2013, стаў пераможцам турніру HK$500,000 Super High Roller у Макао.
Усяго за прызавы фонд змагаліся 12 гульцоў. Каб трапіць за стол, кожны з іх зрабіў для гэтага ўступны ўзнос 64 400 даляраў, піша myfin.by.
На фінальнай раздачы беларус гуляў з легендарным онлайн-гульцом з ЗША Томам Дванам. І стаў пераможцам, атрымаўшы 420 тысяч даляраў.
А вядомы амерыканец, да таго ж які рэдка гуляе ўжывую, стаў зоркай вечара для фота на памяць, але здавольваўся суцяшальным прызам 275 тысяч даляраў.
Дарэчы, турнір у Макао стаў не першым буйным выйгрышам нашага суайчынніка Бадзякоўскага на «жывых» турнірах.
Напрыклад, у 2017-м ён перамог на аўстралійскіх спаборніцтвах Aussie Millions $50,000 Shot Clock, атрымаўшы за гэта 133 тысячы даляраў.
А ў кастрычніку 2016-га ўзяў 502 тысячы еўраў прызавых на турніры Monte-Carlo One Drop Extravaganza. Праўда, тут ён быў другім.