Cямашка паляцеў у Маскву выпрошваць зніжку на газ

«Першыя асобы» ўрада спрабуюць уладзіць нафтагазавую спрэчку.

Беларуская ўрадавая дэлегацыя пад кіраўніцтвам віцэ-прэм'ера Уладзіміра Сямашкі знаходзіцца ў Маскве на чарговых перамовах, піша bdg.by.

«Перамовы ва ўрэгуляванні пытання (нафтагазавага-рэд.) з расейскім бокам працякаюць у перманентным рэжыме. У перамовах удзельнічаюць спецыялісты і кіраўнікі профільных устаноў, у тым ліку «першых асоб» урада», - сказаў суразмоўца РІА «Новости», каментуючы ход перамоў ва ўрэгуляванні беларуска-расейскай нафтагазавай спрэчкі.

Нагадаем, што ў беларуска-расейскіх стасунках даўно нешта пайшло не так. Улады Беларусі зноў актыўна шукаюць альтэрнатыву расейскім нафтапрадуктам: Лукашэнка ў верасні 2016 года запатрабаваў знайсці альтэрнатыву расейскаму газу, паўтарыўшы патрабаванне ў пачатку 2017 года.

Расея раней значна скараціла пастаўкі нафты ў Беларусь у трэцім квартале 2016 года: агулам зніжэнне склала за 2,3 млн тон нафты за квартал (з 5,8 млн тон да 3,5 млн). Праз гэта беларускія НПЗ знізілі выпуск нафтапрадуктаў, што ўдарыла па нафтазалежнай эканоміцы Беларусі.