29 сакавiка 2024, Пятніца, 16:45
Падтрымайце
сайт
Сім сім,
Хартыя 97!
Рубрыкі

Беларусы абароняць свайго лідара

30
Беларусы абароняць свайго лідара
Мікалай Статкевіч

Дзень Волі стане першым крокам да рэальных зменаў.

Пра гэта Charter97.org заявіў каардынатар грамадзянскай кампаніі «Еўрапейская Беларусь» Зміцер Бандарэнка.

- Да Дня Волі ў Менску засталося менш за тыдзень. Як вы ацэньваеце сітуацыю ў краіне і грамадстве напярэдадні гэтай важнай падзеі?

- Вы вельмі добра сказалі, што гэта важная падзея. Я ўпэўнены, што гэта будзе нават гістарычнай падзеяй.

Не ўсе пакуль гэта разумеюць, але 25 сакавіка напраўду з'яўляецца шанцам для Беларусі перайсці да пераменаў у краіне мірным шляхам. 25 сакавіка можа быць першым вялікім крокам да пачатку рэальных перамоваў паміж уладай і апазіцыяй.

Лукашэнка, вядома, цяпер знаходзіцца ў страху, у паніцы. Лукашэнка ў істэрыцы. Ён ведае рэальны стан спраў у эканоміцы і рэальнае стаўленне да сябе народа. Думаю, ён уважліва глядзеў сюжэты відэазапісаў з Маршаў абураных беларусаў і чуў тое, што людзі думаюць пра яго і пра пабудаваную ім сістэму.

Лідар пратэстаў Мікалай Статкевіч узяў на сябе адказнасць за правядзенне акцыі 25 сакавіка, бо ён лепш, чым хто-небудзь іншы, разумее важнасць гэтага дня і ён рэальна разумее магчымасць, якую гэты дзень надае.

Для беларусаў сёння Статкевіч - гэта той чалавек, які з'яўляецца іх прадстаўніком ва ўзаемадзеянні з уладай.

- Вы сказалі, што Лукашэнка знаходзіцца ў паніцы. Якія могуць узнікнуць сцэнары падзеяў 25 сакавіка?

- Самая дурная пастанова, якую можа прыняць цяпер улада - гэта неяк «нейтралізаваць» Мікалая Статкевіча, затрымаць яго да 25 чысла.

У іх, вядома, ёсць такая спакуса. Але гэта будзе азначаць тое, што 25 сакавіка дзясяткі тысяч людзей, якія выйдуць на вуліцы Менска, якія прыедуць у сталіцу з усёй Беларусі, акрамя іншых задач, за галоўную мэту будуць уважаць вызваленне свайго лідара - Мікалая Статкевіча.

Для ўсяго свету стане зразумела, што Лукашэнка адмаўляецца ад перамоў са сваім народам і ад перамоваў з дэмакратычнай апазіцыяй. І адплата за гэтае глупства, у тым ліку і фінансавая, рушыць услед неадкладна.

Хоча Лукашэнка гэтага ці не - Статкевіч сёння з'яўляецца прадстаўніком беларускага народа і выразнікам ягонай волі і спадзяванняў.

- Што рабіць беларусам, каб годна правесці Дзень Волі і абараніць свае патрабаванні?

- Па-першае, трэба ўсвядоміць, што гэта сапраўды не шараговая акцыя, а гістарычная падзея, ад якой залежыць жыццё і будучыня кожнага беларускага грамадзяніна і нашага народа агулам. Трэба разумець важнасць гэтай даты.

Менавіта 25 сакавіка стане магчымым вярнуць суб'ектнасць беларускаму народу - праз саму акцыю і праз лідара пратэсту Мікалая Статкевіча. Гэта вельмі важны момант. І сёння гэта вельмі моцна ўзаемазвязана.

Далейшыя змены ў краіне стануць магчымымі нарэшце праз свабодныя выбары. І ўсім лідарам апазіцыі і людзям, якія мараць рэалізаваць сябе ў палітыцы, давядзецца прайсці праз гэта сіта народнага волевыяўлення ўжо на свабодных выбарах пад міжнародным кантролем. Гэта ўжо наступны крок.

А запусціць гэты механізм можна ўжо 25 і 26 сакавіка. Нездарма Мікалай Статкевіч кажа: «Давядзецца выходзіць не адзін раз і не адзін дзень». Трэба быць дысцыплінаванымі, смелымі, адказнымі - і тады ўсё атрымаецца.

Так, як раней, ужо не будзе. Беларусь ужо іншая і беларусы - іншыя.

У Лукашэнкі няма больш магчымасцяў прадаўжаць здзекавацца з эканомікі краіны. Першым, хто паказаў дулю Лукашэнку, стала беларуская эканоміка. І цяпер прыйшла чарга і да палітычных зменаў. Таму што толькі новыя людзі, новая ўлада змогуць змяніць сітуацыю ў краіне да лепшага.

Галоўная тактычная мэта на сёння - абараніць лідара, абараніць Мікалая Статкевіча. Гэта павінны рабіць і беларусы ў краіне, і беларуская дыяспара за мяжой і сябры Беларусі ва ўсім свеце. Мы павінны абараніць чалавека, які з'яўляецца нашым прадстаўніком.

Напісаць каментар 30

Таксама сачыце за акаўнтамі Charter97.org у сацыяльных сетках