Фармацэўтычны рынак Беларусі спусціўся на 4%

Сума фармацэўтычнага рынку ў 2016 годзе зменшылася ў параўнанні з 2015 годам.

«У 2016 годзе сума фармацэўтычнага рынку Беларусі склала 636,8 млн даляраў, гэта на 4% менш, чым у 2015 годзе», – паведаміла начальніца ўправы арганізацыі вытворчасці і перспектыўнага развіцця дэпартамента фармацэўтычнай прамысловасці Міністэрства аховы здароўя Таццяна Тумеля.

Яна патлумачыла, што скарачэнне рынку ў вартасным вылічэнні абумоўлена памяншэннем імпарту больш чым на 2% у сувязі з уводам уласных імпартазамяшчальных прэпаратаў, а таксама захаваннем коштаў на айчынную прадукцыю на фоне змены курсу даляра, піша «Інтэрфакс-Захад».

Паводле звестак прадстаўніка Міністэрства аховы здароўя, дзель айчынных лекавых сродкаў на рынку рэспублікі паводле вынікаў 2016 года ў вартасным вылічэнні склала 51,9%.

«Паводле звестак Белстата, сума вытворчасці лекавых сродкаў у Беларусі ў 2016 годзе склаў 891,5 млн рублёў», – паведаміла Тумеля, заўважыўшы, што 70% гэтай сумай забяспечваюць дзяржаўныя фармацэўтычныя прадпрыемствы.

Экспарт лекавых сродкаў, вырабленых у Беларусі, у 2016 годзе склаў 115 млн даляраў (рост на 12%), пастаўкі праводзіліся ў 29 краін, удакладніла прадстаўніца Міністэрства аховы здароўя.

Усяго паводле стану на 1 сакавіка гэтага года ў Беларусі зарэгістравана 4,5 тысяч лекавых сродкаў, у тым ліку 1,6 тысяч айчыннай вытворчасці.