ЗША могуць адрэзаць КНДР ад глабальнай фінансавай сістэмы

ЗША разглядаюць магчымасць увядзення радыкальных санкцый супраць КНДР праз яе ядзерныя праграмы.

Захады прадугледжваюць адключэнне Пхеньяна ад глабальнай фінансавай сістэмы. Пра гэта паведамляе Reuters са спасылкай на высокапастаўленага прадстаўніка адміністрацыі ЗША.

З паведамлення, санкцыі стануць часткай шматбаковага падыходу для ўзмацнення эканамічнага і дыпламатычнага ціску на КНДР. Асабліва гэта тычыцца кітайскіх банкаў і фірмаў, якія вядуць бізнэс з Паўночнай Карэяй.

Акрамя таго, гаворка ідзе пра ўзмацненне падтрымкі хаўруснікаў ЗША ў рэгіёне Паўднёвай Карэі ды Японіі.

Са слоў чыноўніка, варыянт прэвентыўных удараў па КНДР пакуль не разглядаецца, адміністрацыя Трампа шукае менш рызыкоўныя спосабы ціску на КНДР.

Раней кіраўнік Міжнароднага агенцтва атамнай энэргіі Юкія Амана заявіў, што завод ўзбагачэння ўрану ў Паўночнай Карэі павялічыўся ўдвая за апошнія некалькі гадоў, што, магчыма, сведчыць аб значным нарошчванні ядзернага патэнцыялу ізаляцыянісцкага рэжыму ў Пхеньяне.