28 сакавiка 2024, Чацвер, 13:45
Падтрымайце
сайт
Сім сім,
Хартыя 97!
Рубрыкі

ЕЗ прапануе Брытаніі зону свабоднага гандлю пасля «Брэксіт»

ЕЗ прапануе Брытаніі зону свабоднага гандлю пасля «Брэксіт»

Лондан павінен выканаць усе фінансавыя абавязанні, якія краіна брала на сябе ў якасці сябра ЕЗ.

Мішэль Барн'е, які ўзначальвае дэлегацыю ЕЗ на перамовах аб Brexit, прэзентаваў у сераду, 22 сакавіка, сваё бачанне працэсу выхаду Вялікабрытаніі са складу звязу, перамовы аб якім пачнуцца ўжо на наступным тыдні, паведамляе DW.

З ягоных слоў, еўрапейскія перагаворшчыкі маюць намер у перспектыве прапанаваць Злучанаму каралеўству зусім новае пагадненне пра свабодны гандаль з ЕЗ.

Аднак толькі пасля таго, як будуць удакладнены ўмовы выхаду Вялікабрытаніі са звязу, што неабходна зрабіць у максімальна сціснутыя тэрміны. Барні таксама адзначыў, што Лондан павінен выканаць усе фінансавыя абавязанні, якія краіна брала на сябе ў якасці сябра ЕЗ.

Ён таксама падкрэсліў, што выхад Вялікабрытаніі з ЕЗ без дасягнення адпаведнага пагаднення абяцае нявызначанасць і сур'ёзныя праблемы для самой Вялікабрытаніі. «Мы не хочам такога сцэнару, мы жадаем дасягнуць пагаднення», - цытуе Барні агенцтва dpa. Лінію дэлегацыі Еўразвязу на перамовах ён пазначыў так: «Мы будзем рашучыя, мы будзем ветлыя, мы ніколі не будзем наіўныя».

Раней паведамлялася, што прэм'ер-міністр Вялікабрытаніі Тэрэза Мэй 29 сакавіка паведаміць кіраўніцтва ЕЗ пра пачатак працэдуры выхаду Злучанага каралеўства з Еўрапейскага Звязу згодна з артыкулам 50 Лісабонскай дамовы. Кіраўніца брытанскага ўрада таксама неаднаразова заяўляла пра жорсткі сцэнар вываду краіны з ЕЗ. Гэта прадугледжвае сыход Вялікабрытаніі з адзінага еўрапейскага рынку, які дазваляе ўвесці абмежаванні на свабоду працаўладкавання для грамадзян краін Еўразвязу на тэрыторыі каралеўства, выключэнне з Мытнага звязу з ЕЗ і выхад з-пад юрысдыкцыі Еўрапейскага суда ў Люксембургу.

Напісаць каментар

Таксама сачыце за акаўнтамі Charter97.org у сацыяльных сетках