Пункты прыцягнення «дармаедаў» да грамадскіх прац адкрыюць ва ўсіх гарадах Беларусі

Туды будуць адпраўляць незалежна ад рэгістрацыі ў цэнтры занятасці.

Пункты выдачы накіраванняў для ўдзелу ў аплатных грамадскіх работах, якія будуць арганізаваны найбліжэйшы час у кожным горадзе Беларусі.

«У найбліжэйшы час у кожнай адміністрацыйна-тэрытарыяльнай адзінцы будуць вызначаныя пункты, дзе магчыма будзе атрымаць накіраванне для ўдзелу ў грамадскіх працах», - паведаміў начальнік упраўлення палітыкі занятасці міністэрства працы і сацыяльнай абароны Алег Такун.

Ён удакладніў, што атрымаць накіраванне змогуць тыя, хто зарэгістраваны ў службе занятасці, так і тыя, хто раней туды не звяртаўся, паведамляе «Інтэрфакс».

Паводле інфармацыі міністэрства, у якасці аплатных грамадскіх работ могуць быць выкарыстаны свабодныя працоўныя месцы, якія не запаўняюцца больш за 3 месяцы, а таксама іншыя віды работ, якія ў адпаведнасці з пастановай мясцовых уладаў, маюць сацыяльна карысную значнасць.

Прадстаўнік Міністэрства працы растлумачыў, што ў спісе аплатных грамадскіх работ могуць быць працы рэкультывацыі зямель, прыродаахоўныя работы, працы ў лясной гаспадарцы, будаўніцтва дарог, іх рамонт і ўтрыманне, пракладка водаправодных, ацяпляльных, каналізацыйных, газавых і іншых камунікацый.

Магчыма таксама будаўніцтва і рамонт жылых памяшканняў, аб'ектаў сацыяльна-культурнага прызначэння, аднаўлення гісторыка-архітэктурных помнікаў і запаведных зон, сельгасработы і дапаможныя працы ў арганізацыях аграпрамысловага комплексу і гандлю.

У гэты пералік таксама ўваходзяць збор і перапрацоўка другаснай сыравіны і адходаў, работы ў арганізацыях жыллёва-камунальнай гаспадаркі, сацыяльныя паслугі для насельніцтва і шэраг іншых.