Мінфінансаў РФ прадказала падзенне кошту нафты да $40

За апошнія два тыдні нафта патаннела прыкладна на 10%.

У сярэднетэрміновай перспектыве кошты нафты маркі Brent павінны апусціцца да ўзроўню 40 даляраў за барэль.

Аб гэтым заявіла дырэктар дэпартамента даходаў Мінфінансаў РФ Алена Лебядзінская, паведамляе lenta.ru.

На гэты момант нафта маркі Brent каштуе крыху больш чым 50 даляраў за барэль. Пры гэтым за апошнія два тыдні нафта патаннела прыкладна на 10 адсоткаў.

10 сакавіка агенцтва Reuters паведаміла, што АПЕК не будзе падаўжаць глабальнае пагадненне аб абмежаванні вытворчасці нафты, каб не даць развівацца здабычы сланцавай сыравіны ў ЗША.