Апытанне: Макрон апярэджвае Ле Пэн у першым туры выбараў прэзідэнта ў Францыі

Выбары прэзідэнта Францыі пройдуць у два туры 23 красавіка і 7 траўня.

Экс-міністр эканомікі Францыі Эмануэль Макрон апярэджвае лідарку партыі "Нацыянальны фронт" Марын Ле Пэн у першым туры прэзідэнцкіх выбараў на 1 адсоткавы пункт, сведчаць апублікаваныя ў чацвер увечары вынікі апытання кампаніі Ifop, перадае РІА «Новости».

Паводле вынікаў даследавання, пазіцыя Макрона ў першым туры прадаўжае ўмацоўвацца — за яго гатовыя аддаць свае галасы 26% выбарцаў, за Ле Пэн — 25%. Трэцім ідзе кандыдат "Рэспубліканцаў" экс-прэм'ер Франсуа Фіён — 18%.

У другім туры Ле Пэн таксама пацерпіць паразу, атрымаўшы ўсяго 38,5% галасоў, а Макрон — 61,5%.

Рэпрэзентатыўнае апытанне было праведзенае з 20 да 23 сакавіка на замове CNews, SudRadio і Paris Match, у ім узялі ўдзел 2245 грамадзян ад 18 гадоў.

Выбары прэзідэнта Францыі пройдуць у два туры 23 красавіка і 7 траўня.