У парламенце Нарвегіі запатрабавалі адрэагаваць на сітуацыю ў Беларусі

МЗС Нарвегіі павінна адказаць, якія меры ён распачне для вызвалення новых палітвязняў у нашай краіне.

Віцэ-дэпутат нарвескага парламенту ад Хрысьціянска-дэмакратычнай партыі Мары Льёнес Брэке (Marie Ljones Brekke) звярнулася 22 сакавіка да міністра замежных спраў Нарвегіі ў сувязі з сітуацыяй у Беларусі. Тэкст звароту прыводзіцца на сайце Стортынга, паведамляе krynica.info.

У сваім звароце яна адзначае, што 10 сакавіка ў Беларусі былі затрыманыя і арыштаваныя тры лідары апазіцыйнай правацэнтрысцкай кааліцыі, якія ўдзельнічалі ў мірнай дэманстрацыі супраць дэкрэта аб дармаедах. Акрамя таго, былі затрыманыя і многія іншыя ўдзельнікі пратэстаў. Пры гэтым праваабарончая арганізацыя «Вясна» апісала арышты як гвалтоўныя, якія праводзяцца людзьмі ў цывільным, якія выцягвалі людзей з грамадскага транспарту і кідалі ў аўтамабілі без нумароў. Мары Брэке таксама нагадала, што Беларусь была падпала пад рэзкую крытыку з боку АБСЕ за масавыя фальсіфікацыі выбараў і аўтарытарную ўладу.

«Ці адрэагаваў на гэта міністр, каб прымусіць беларускія ўлады вызваліць гэтых і іншых палітычных зняволеных, а таксама якія меры будзе прымаць міністр замежных спраў для таго, каб Беларусь паважала асноўныя правы чалавека, такія як свабода слова?» — задала пытанне віцэ-дэпутатка.