Просты рабочы: Дастаў гэты псіхоз, заўтра іду на Плошчу
5- 24.03.2017, 10:15
- 32,183
Дзеянні ўладаў яшчэ больш настроілі беларусаў на пратэст.
Пра гэта ў «Фэйсбуку» напісаў беларускі журналіст Зміцер Галко.
«Сустрэліся цяпер з сябрам. Ён кіроўца, кладаўшчык і грузчык. Працуе без перадыху, некалькі гадоў наогул без выхадных працаваў. У яго двое маленькіх дзяцей.
Кажа, што калі патрапіць на 10-15 дзён пасля 25-га, то яго, магчыма, звольняць.
І ўсё роўна ідзе. Абдумвае, галадаць яму ў камеры ці не галадаць.
Чаму ідзе? Ён не п'е, даволі добра зарабляе, сілкуецца сціпла, у цэлым не імкнецца да матэрыяльных каштоўнасцяў, але на дзяцей, кажа, стае з нацяжкай.
Да раздражнення і злосці. Але галоўнае - дастаў гэты псіхоз, калі ўжо пачалі калечыць людзей і пажары ім у пад'ездах ладзіць, каб азадкі ў сваіх ўладных крэслах зберагчы.
Такія справы».
Нагадаем, акцыя ў Менску на Дзень Волі пачнецца заўтра а 14.00 на пляцоўцы ля Акадэміі Навук.