У Менску затрыманыя больш за тысячу чалавек
95- 25.03.2017, 16:24
- 74,052
Больш за тысячу чалавек затрыманыя на Дзень Волі ў Менску.
Хапун адбываўся з усіх бакоў на подступах да Акадэміі навук, ля плошчы Якуба Коласа, вуліцы Казлова, на праспекце Машэрава, у раёнах вуліц Сурганава, Кузьмы Чорнага, плошчы Калініна.
Charter97.org вёў онлайн падзей у цэнтры Менска.
Людзям не давалі сабрацца, цягнулі кожнага, хто меў плакат або сцяг.
Тым не менш, некалькі тысяч чалавек сканцэнтраваліся ля плошчы Якуба Коласа. Яны рушылі ў бок цэнтра, піша nn.by.
Людзей атачылі і хапалі там.
Пратэстоўцы не супраціўляліся. Яны пратэставалі проста самім фактам выхаду на вуліцу.
Пакуль цяжка ацаніць агульную колькасць затрыманых. Але размова ідзе пра сотні чалавек. Толькі ў офісе праваабаронцаў-вясноўцаў затрымалі 58 міжнародных назіральнікаў. Затрыманыя за відэаздымку затрыманняў у адным з двароў на вуліцы Кузьмы Чорнага карэспандэнты «Нашай Нівы» паведамляюць, што ў адным Заводскім РУУС яны бачылі не менш за 100 затрыманых. РУУС у Менску восем, частка затрыманых сталі адразу завозіць у ізалятары на Акрэсціна і ў Жодзіна.
Так сёння было ў Менску. Такі сёння Дзень Волі pic.twitter.com/GDmP0wLJye
— Belsat TV (@Belsat_TV) 25 марта 2017 г.
Карэспандэнты сталі сведкамі затрыманняў не менш за 150 чалавек ля завода «Белвар», 50 чалавек - каля «Электрасілы», яшчэ 50 - каля крамы «Крышталь» на праспекце Машэрава.
На разгон мірнай дэманстрацыі, дакладней, на тое, каб яна не адбылася, былі накіраваны тысячы супрацоўнікаў праваахоўных органаў, сотні адзінак тэхнікі.
У той жа дзень сотні людзей выйшлі на Дзень Волі ў Берасці, Гародні, Гомелі.