29 сакавiка 2024, Пятніца, 2:35
Падтрымайце
сайт
Сім сім,
Хартыя 97!
Рубрыкі

Студэнты заклікаюць менчукоў выйсці 26 сакавіка, а 12-00 на Кастрычніцкую плошчу

123
Студэнты заклікаюць менчукоў выйсці 26 сакавіка, а 12-00 на Кастрычніцкую плошчу
ФОТА: BYMEDIA

Патрабаванне ўдзельнікаў акцыі - вызваленне ўсіх несправядліва арыштаваных падчас мірных маршаў пратэсту і Дня Волі.

У супольнасці «Студэнты Беларусі» ў сацсетках з'явіўся зварот:

- Сябры! Гэта моцна дастала. Сёння на вуліцах нашай сталіцы, цудоўнага горада Менска, тысячы людзей у чорным хапалі старых, жанчын, студэнтаў, якія выйшлі на вуліцу СВАЙГО ГОРАДА, каб МІРНА адзначыць Дзень Волі, а яны прыйшлі да нас з дубінкамі і аўтазакамі. У выніку сотні людзей збітыя або за кратамі. За што? За тое, што любяць сваю краіну і хочуць годнага жыцця? За тое, што чыноўнікі ў кабінетах сталі да немагчымага нахабнымі? Можа сапраўды прыйшоў час паказаць, што мы не быдла, а народ?

Калі вы згодныя, то ЗАКЛІКАЕМ УСІХ выйсці заўтра, 26 сакавіка, на Кастрычніцкую плошчу Менска! А 12:00!

Наша патрабаванне - вызваленне ўсіх несправядліва арыштаваных падчас мірных маршаў пратэсту і Дня Волі!

Давайце пакажам, што мы народ! Калі ласка, максімальны рэпост!

Як вядома, заўтра а 12-00 беларусы ў рэгіёнах таксама выйдуць на галоўныя плошчы сваіх гарадоў.

Напісаць каментар 123

Таксама сачыце за акаўнтамі Charter97.org у сацыяльных сетках