Дзелавыя настроі ў Нямеччыне значна палепшыліся

Нямецкі бізнэс аптымістычна ацэньвае стан эканомікі.

У сакавіку дзелавыя настроі ў эканоміцы Нямеччыны значна палепшыліся. Пра гэта сведчыць індэкс ifo (найважнейшы барометр дзелавой актыўнасці ў ФРГ), звесткі аб якім апублікаваў у панядзелак, 27 сакавіка, Мюнхенскі інстытут эканамічных даследаванняў, піша «Нямецкая хваля».

У параўнанні з лютаўскім паказчыкам, усталяваным на узроўні 111,1 пункта, у гэтым месяцы ён вырас да 112,3 пункта. На думку кіраўніка ifo Клеменса Фюста (Clemens Fuest), гэта сведчыць аб устойлівым росце эканомікі ў Нямеччыне.

Індыкатар ifo вызначаецца на аснове анкетавання топ-мэнэджараў 7000 нямецкіх прадпрыемстваў. Індэкс, які адлюстроўвае чаканні мэнэджараў на найбліжэйшыя паўгода, таксама вырас з 104,2 да 105,7 пункта. Найбольш аптымістычныя настроі ў будаўнічай галіне. Сітуацыю на сёння кіраўніцтва гэтых кампаній ацэньвае таксама добра, як апошнім разам у 1991 годзе. Вырас аптымізм і на прадпрыемствах апрацоўчай прамысловасці. Іх кіраўнікі паведамляюць пра рост заказаў.