Яна Русакевіч: «Я не ведаю, можа, мяне падлечаць, а пасля пасадзяць у турму»

Акторка Яна Русакевіч атрымала чэрапна-мазгавую траўму ў цэнтры Менска на Дні Волі.

Міліцыя знайшла Яну ў лякарні хуткай дапамогі.

«Мяне везлі на тамаграфію, а міліцыянт запісваў за мной, - тлумачыць «Свабодзе» Яна Русакевіч. - Дзе была, пры якіх абставінах збілі. Я не ведаю, для чаго гэта запісвалі. Кажу, маўляў, няўжо вы знойдзеце аднаго з сотні супрацоўнікаў АМАП, які ўдарыў мяне па галаве дубінкай? Навошта вы запісваеце? Міліцыянт сказаў, што яго там на месцы не было і што патрэбныя падрабязнасці. Я не ведаю, можа, мяне падглечаць, а потым пасадзяць у турму».