Дэйв Льюіс: Мы будзем змагацца за медалі чэмпіянату свету ў хакеі

Галоўны трэнер нацыянальнай каманды Беларусі ў хакеі Дэйв Льюіс распавёў, як ідзе падрыхтоўка да чэмпіянату свету.

Настаўнік нацыянальнай каманды Беларусі ў хакеі Дэйв Льюіс распавёў tut.by, як ідзе падрыхтоўчы збор да чэмпіянату свету 2017 года.

- Учора я быў прыемна здзіўлены, калі ўбачыў, як шмат дасведчаных хакеістаў прыйшлі на трэніроўку, якая не была абавязковай. Гэта сведчыць аб тым, што ў іх вельмі сур'ёзны падыход.

- Цяпер з камандай трэніруюцца 30 чалавек. Каго вы яшчэ разглядаеце ў якасці кандыдатаў?

- У найбліжэйшыя дні да нацыянальнай каманды далучацца Андрэй Стась і Кевін Лаланд. Джэф Плат пакуль аднаўляецца пасля плэй-оф. Сезон Ніка Бэйлена таксама толькі што скончыўся. Наконт іх пакуль няма пэўнасці. Таксама чакаем гульцоў з чэмпіянату Беларусі. Плануем прыцягнуць блізу шасці хакеістаў з «Нёмана» і «Юнацтва».

- Ці плануеце вы змяніць сваю гульнявую філасофію пасля няўдач 2016?

- Наша філасофія застаецца ранейшай - мы маем намер змагацца за медалі чэмпіянату свету. Пры гэтым зменяцца некаторыя падыходы да працы на лёдзе. Нам трэба папрацаваць над гульнёй у меншасці, дзейнічаць больш дысцыплінавана і больш эфектыўна рэалізоўваць большасць.

- Праблема абароны брамы застаецца актуальнай?

- У некаторых шайбах можна вінаваціць галкіпера, але ў іншых вінаватая ўся каманда. Наша задача - змяніць сістэму, каб не дазваляць спаборніку ствараць так шмат галявых шанцаў ля нашай брамы.

- Разглядаеце беларускіх хакеістаў, якія выступаюць у Паўночнай Амерыцы?

- Так, але яны прыляцяць пазней.

- А што з Шарлем Лінгле?

- Я размаўляў з ім пасля таго, як Шарль закінуў шайбу ў овертайме вызначальнага матчу плэй-оф. Ён быў рады званку, але наконт яго перспектыў будзем размаўляць пасля сканчэння сезону для «Айсберана». Зразумела, што яму таксама трэба будзе адпачыць.

- Артур Гаўрусеў і Кірыл Гатавец адсутнічаюць у спісе запрошаных хакеістаў ...

- Яны траўмаваныя і не згуляюць на чэмпіянаце.

- У кэмпе таксама няма Крэйга Вудкрафта.

- Крэйг прыляціць на збор пятага красавіка.

- Капітанам нацыянальнай каманды застанецца Андрэй Стась?

- Летась ён выдатна справіўся са сваімі абавязкамі, але для пачатку я павінен асабіста пагутарыць з Андрэем, каб пераканацца, што ён гатовы зноўку узяць на сябе гэтую ролю.

Да выезду ў Даўгаўпілс на таварыскія матчы з камандай Латвіі (7 і 8 красавіка) нацыянальная каманда будзе працаваць у Менску. У склад нацыянальнай каманды выкліканыя 30 хакеістаў.

Брамнікі: Міхаіл Карнавухаў (ХК «Дынама-Маладзечна», экстраліга), Аляксандр Асіпкоў («Беларусь U-20», экстраліга), Максім Малюцін (ХК «Шахцёр-Салігорск», экстраліга).

Абаронцы: Раман Грабарэнка, Ілля Шынкевіч, Крысціян Хенкель, Яўген Лісавец, Дзмітрый Корабаў (усе - ХК «Дынама-Мінск», КХЛ), Мікалай Стасенка (ХК «Северсталь», КХЛ), Уладзімір Дзянісаў (ХК «Трактар» Чэлябінск, КХЛ ), Раман Дастанка (ХК «Шахцёр-Салігорск», экстраліга), Павел Верабей (ХК «Дынама-Маладзечна», экстраліга), Ягор Іваноў (ХК «Магілёў», экстраліга), Кірыл Чайка («Беларусь U-20», экстраліга).

Нападнікі: Сяргей Дрозд, Аляксандр Кітараў, Мікіта Камароў, Аляксандр Кулакоў, Арцём Волкаў, Сяргей Касціцын, Андрэй Сцяпанаў, Аляксандр Паўловіч, Даніла Карабанаў, Яўген Кавыршын, (усе - ХК «Дынама-Мінск», КХЛ), Андрэй Касціцын (ХК «Сочы», КХЛ), Арцём Дзямкоў, Яўген Астанкоў (абодва – ХК «Шахцёр-Салігорск», экстраліга), Руслан Васільчук, Дзмітрый Амбражэйчык (абодва – ХК «Дынама-Маладзечна», экстраліга), Сяргей Стась (ХК «Байройт» Нямеччына (Д2), Ягор Шаранговіч («Беларусь U-20», экстраліга).

У трэнерскі штаб Дэйва Льюіса ўвайшлі Уладзімір Бурэ, Алег Антоненка, Яры Каарэла, Андрэй Мезін, а таксама відэатрэнер Вячаслаў Гусаў.