Беларускі трэнер узначаліў «Авангард»
- 29.03.2017, 18:55
- 28,071
Андрэй Скабелка падпісаў з клубам з Омска доўгатэрміновы кантракт.
Беларускі спецыяліст Андрэй Скабелка прызначаны галоўным трэнерам омскага «Авангарду».
Афіцыйны сайт клуба паведамляе, што з беларусам падпісанае доўгатэрміновае пагадненне.
Папярэднім месцам працы Скабелкі была новасібірская «Сібір», якую ён узначальваў з 2014 года. У цяперашнім сезоне клуб застаўся за бортам плэй-оф, і беларускі спецыяліст сышоў у адстаўку.
«Авангард» з вынікаў мінулага рэгулярнага чэмпіянату заняў другое месца ва Усходняй канферэнцыі і выйшаў у плэй-оф, дзе ў чвэрцьфінале саступіў казанскаму «Ак Барсу» (2:4).
21 сакавіка кіраўніцтва «Авангарда» прыняло пастанову не падаўжаць кантракт з трэнерскім штабам на чале з Фёдарам Канарэйкіным, які ўзначальваў каманду са жніўня 2016 года.