Расейскія дальнабойнікі зладзілі дзяжурства каля дома свайго лідара

Пратэстоўцы ў Пецярбургу не даюць органам апекі пранікнуць у дом паплечніка.

У Пецярбургу дальнабойнікі ўзялі пад ахову сям'ю арыштаванага лідара Аб'яднання перавозчыкаў Расеі Андрэя Бажуціна. Яго затрымалі ў першы дзень страйку кіроўцаў вялікагрузаў і пасадзілі на 14 дзён. Афіцыйная прычына – язда без пасведчання кіроўцы. У Бажуціна – трое непаўналетніх дзяцей і цяжарная жонка. Пакуль Наталля ляжала на захаванні ў радзільным доме, органы апекі паспрабавалі забраць малодшых сыноў.

З жонкай лідара агульнарасейскага пратэсту дальнабойнікаў Андрэя Бажуціна – Наталляй – сустрэўся карэспандэнт «Настоящего Времени».

Офісы былі зачыненыя, але Наталля спецыяльна прыйшла крыху раней. Яна на сёмым месяцы цяжарнасці, ёсць ускладненні. У любую хвіліну яе могуць забраць у радзільню, і да гэтага Наталлі трэба паспець юрыдычна даверыць сваіх непаўналетніх дзяцей іх старэйшаму брату. Гэта патрабаванне органаў апекі. Інакш ужо яны могуць забраць Алесю, Мікіту і Максіма.

«Я задала ім навадныя пытанні: чаму не могуць быць апекунамі сын ці мама? Мне сказалі, што без даверанасці яны з імі нават пагуляць не могуць у двор выйсці», – распавяла жонка Бажуціна.

Натарыус не дапамог Бажуціным. Ён не можа выдаць такі дакумент. Не яго паўнамоцтвы, кажа Наталля: «Нам адразу сказалі, што такіх даверанасцяў не робяць. На апякунства даверанасцяў наогул не бывае. І сказалі, што калі да нас прыйшоў аддзел апекі, яны павінны былі ў першую чаргу запісаць бабулю і сына, і даць ім апеку»

Ёсць яшчэ адзін нюанс. Каб выдаць такі дакумент, трэба прысутнасць абодвух бацькоў. Але відавочна, што яшчэ 11 дзён Андрэй Бажуцін прабудзе ў ізалятары часовага ўтрымання на Захар'еўскай вуліцы.

Лідара дальнабойнікаў затрымалі 27 сакавіка за нібыта язду без правоў. Прычым, да месца парушэння прыбылі не толькі паліцыянты, успамінае старэйшы сын Бажуціна – Арцём: «Я ўбачыў на месцы здарэння было 3-4 экіпажы ДПС, 3 экіпажа ППС, і як раз там былі органы апекі, як я зразумеў. Яны потым з намі паехалі дадому».

Прычыну візіту спецыялістаў з органаў апекі «Настоящее Время» папрасіла пракаментаваць супрацоўнікаў з раённага аддзела. Але на месцы кіраўніка ці хаця б чалавека, які прыходзіў да Бажуціных не было.

– У аўторак будзе начальнік, прыходзьце ў аўторак.

– Вы разумее, што сёння нядзеля?

– Так, я разумею, І кажу вам – прыходзьце ў аўторак. Ці ў чацвер, калі вам будзе дастаткова спецыяліста.

У курсе праблемы ўпаўнаважаны па правах дзіцяці ў Пецярбургу. 28 сакавіка ён напісаў яму заяву. Але дальнабойнікі ўсё роўна на ўсялякі выпадак вырашылі ўзяць сітуацыю пад свой кантроль. Некалькі актывістаў пакінулі месца забастоўкі на Маскоўскай шашы і цяпер стаяць каля дома Бажуціна.

«Жонка ў цяжкім стане, яна ляжала на захаванні і ёй давялося пакінуць радзільню. Мы прынялі пастанову арганізаваць дзяжурства тут. Будзем адбіваць фізічна і бараніць сям'ю кроў з носу», – патлумачыў сваю пазіцыю старшыня пецярбургскага аддзялення «Аб'яднання перавозчыкаў Расеі», – патлумачыў сітуацыю старшыня пецярбургскага аддзялення «Аб'яднання перавозчыкаў Расеі» Сяргей Уладзіміраў.

Малодшыя дзеці Андрэя Бажуціна – Максім і Мікіта – не ведаюць, што адбываецца. Думаюць, што іх тата ў рэйсе, працягваюць жыць сваім звычайным жыццём. Сёння ў іх – хакейная трэніроўка. Гэта тое нямногае, што мама наважыла пакінуць ім пасля візіту наглядных органаў. Адных у школу і дзіцячы сад сыноў і дачку, на ўсялякі выпадак, Наталля Бажуціна пакуль не адпускае.