Брытанскія студэнты прапанавалі пабудаваць у Лондане будынак з лямцу

Аўтары незвычайнага аб'екта, перш чым расчацца з яго праектаваннем, практыкаваліся на крэслах.

Лямец - далёка не самы відавочны будаўнічы матэрыял, аднак гэта не спыніла студэнтаў архітэктурнага факультэта ўніверсітэцкага каледжа Лондана. Маладыя людзі распрацавалі праект паркавага павільёна менавіта з гэтага тыпу тэкстылю, прычым, паводле іхняга сцвярджэння, збудаванне зможа перажыць капрызы брытанскага надвор'я, піша onliner.by.

Аўтары незвычайнага аб'екта, перш чым расчацца з яго праектаваннем, практыкаваліся на малых формах, напрыклад, крэслах. Пры гэтым яны здалелі стварыць трывалыя структуры, прыдатныя для вонкавага асяроддзя і здольныя вытрымаць пэўны націск.

Зазвычай, калі гаворка ідзе пра выкарыстанне тэкстылю ў архітэктуры, яго ўжываюць для драпэрыі вонкавага каркаса будынка або збудавання, выкананага з традыцыйных матэрыялаў. Аднак брытанскія студэнты ўпэўненыя, што распрацаваная імі тэхналогія апрацоўкі лямцу дазволіць цалкам будаваць з яго параўнальна буйныя і пры гэтым функцыянальныя канструкцыі. Экспэрыментальны лямцавы павільён яны прапаноўваюць усталяваць, напрыклад, у лонданскім Гайд-парку. Пакуль невядома, як да гэтай ідэі паставяцца гарадскія ўлады, улічваючы, наколькі незвычайны вонкавы выгляд аб'екта.