Міністэрства інфармацыі абмежавала доступ да 11 сайтаў

Гэта інтэрнэт-рэсурсы, звязаныя з незаконным абаротам наркотыкаў, а таксама рэкламай лекаў і паслуг мікрапазык.

У сакавіку 2017 года Міністэрства інфармацыі прыняло пастанову аб абмежаванні доступу да 11 інтэрнэт-рэсурсаў, паведамляе tut.by.

Гэта сайты, звязаныя з незаконным абаротам наркотыкаў, а таксама неналежнай рэкламай лекаў і паслуг мікрапазык.

«Так, у адпаведнасці з паведамленнем Міністэрства ўнутраных спраў Рэспублікі Беларусь абмежаваны доступ да інфармацыйнага рэсурсу, размешчанага ў даменнай зоне.ru, які змяшчае паведамленні і матэрыялы, накіраваныя на незаконны абарот наркотыкаў», — гаворыцца ў паведамленні Міністэрства інфармацыі.

Да трох інтэрнэт-рэсурсаў доступ абмежавалі за размяшчэнне неналежнай рэкламы дзейнасці па здзяйсненні аперацый з беспаставачнымі пазабіржавымі фінансавымі інструментамі. Гэта зрабілі на падставе пісьмовых апавяшчэнняў Міністэрства антыманапольнага рэгулявання і гандлю Рэспублікі Беларусь і Магілёўскага аблвыканкама.

Два рэсурсы патрапілі ў спіс абмежаванага доступу за размяшчэння неналежнай рэкламы аб выдачы мікрапазык суб'ектамі гаспадарання, не уключанымі ў рэестр мікрафінансавых арганізацый. Яшчэ да пяці інтэрнэт-пляцоўвак у даменных зонах .top, .su і .by абмяжуюць доступ за размяшчэнне неналежнай рэкламы лекавых сродкаў.