У Кіеве ўсталёўвалі білборды з Гіві і Матаролам
6- 15.04.2017, 11:58
- 20,165
«Альфа-Банк», чые дэпазіты «рэкламаваліся» на шчытах, назваў гэта правакацыяй.
13 красавіка ва ўкраінскай сталіцы з'явіліся білборды з лагатыпам «Альфа-Банка» і забітымі палявымі камандзірамі сепаратыстаў Гіві, Матаролам і Аляксеем Мазгавым побач з лагатыпам банка, паведамляе РБК.
На шчытах рэкламаваліся дэпазіты ад «Альфа-Банку» са слоганам: «Гэта ўсё, што застанецца пасля мяне».
Украінскі «Альфа-Банк» аспрэчыў, што размяшчаў рэкламу сваіх паслуг на білбордах у Кіеве з выкарыстаннем малюнкаў забітых палявых камандзіраў непрызнаных ДНР і ЛНР Гіві, Матаролы і Мазгавога.
«Альфа-Банк Украіна» не мае ніякага дачынення да размяшчэння рэкламы з выявамі баевікоў АРДЛА (асобных раёнаў Данецкай і Луганскай абласцей – НН) і рэзка асуджае брудныя правакацыі, да якіх звяртаюцца неўпаўнаважаныя асобы ў спробе падарваць давер да міжнароднага банку ва Украіне», – гаворыцца ў заяве «Альфа-Банка».
Рэкламныя шчыты былі дэмантаваныя.