Леў Марголін: Беларуская эканоміка па-ранейшаму працуе на склады
3- 18.04.2017, 19:20
- 15,129
Эканаміст - пра дэбіторскую і крэдыторскую запазычанасць у Беларусі.
Дэбіторская запазычанасць у Беларусі на 1 сакавіка 2017 года склала 30 мільярдаў рублёў, а крэдыторская - больш як 38 мільярдаў, паведамляе Нацыянальны статыстычны камітэт.
«Вельмі трывожнымі» называе гэтыя лічбы эканаміст Леў Марголін.
- Яны сведчаць пра рэальную сітуацыю. Такія нявыплаты бываюць, калі прадукцыя існуе, але яна не прадаецца. Гэта значыць, мы бачым тое ж, што было і ў мінулыя гады - прадаўжаюць выпускаць нікому не патрэбныя рэчы.
Пацвярджаюць дрэнную сітуацыю і інвестыцыі ў асноўны капітал. За першы квартал яны ўпалі на 6,5%. Так што да аптымізму, на мой погляд, яшчэ вельмі далёка, - адзначыў Марголін у інтэрв'ю «Радыё Свабода».