БАТЭ перамог «Крумкачоў» і аднаасобна ўзначаліў табліцу

Барысаўцы падчас матчу два разы саступалі ў ліку, але ў выніку здолелі атрымаць перамогу над «Крумкачамі».

21 красавіка ў матчы чацвёртага тура чэмпіянату Беларусі футбалісты БАТЭ, адквітваючыся два разы падчас матчу, атрымалі цяжкую перамогу над «Крумкачамi».

«Крумкач» - БАТЭ - 2:3

«Крумкач»: Амельчанка, Клімовіч (к), Скшынецкі, Талейка, Калугін, Яшын, Сямёнаў (Філановіч, 65), Бацішчаў, Шыкаўка, Іваноў, Глеб (Зуевіч, 88).

БАТЭ: Вярэмка, Яблонскі, Бярозкін (М.Валадзько, 83), Пік, Жаўнерчык (к), Рыас, Кендыш, Джыгера (Стасевіч, 46), Гардзяйчук, Іваніч, Рушавіч (Радзівонаў, 55).

Галы: 1:0 - Талейка (5). 1:1 - Гардзяйчук (25, з пенальці). 2:1 – Бацішчаў (56). 2:2 - Радзівонаў (62). 2:3 - М. Валадзько (87).