28 сакавiка 2024, Чацвер, 16:50
Падтрымайце
сайт
Сім сім,
Хартыя 97!
Рубрыкі

«Няўжо трэба выйсці на Плошчу, каб нас пачулі?»

11
«Няўжо трэба выйсці на Плошчу, каб нас пачулі?»

Жыхары Масюкоўшчыны гатовыя пратэставаць супраць уладаў.

Напрыканцы 2015 года дом №7 на вуліцы Лынькова ў Менску з вялікай цяжкасцю адбіўся ад незаконнага будаўніцтва крамы «Міла» на зялёнай зоне, проста ля пад'ездаў.

Пад ціскам грамадскай думкі Інспекцыя дзяржбуднагляду адклікала ў ТАА «Парфума Трэйд» ліцэнзію на будаўніцтва, піша сайт bchd.info.

Але людзі радаваліся заўчасна. Сёлета ў сакавіку вугал двара нечакана зноў абгарадзілі, прыбыла тэхніка, спешна пачаліся будаўнічыя працы. «Міла», якая ўсё аплаціць, вяртаецца ў двор плошчай 0,11 га (для адводу вачэй абгароджаная меншая тэрыторыя).

Жыхарам-актывістам другім разам давялося адсылаць калектыўны зварот (107 подпісаў): у адміністрацыю Фрунзенскага раёна Менска, у раённую і гарадскую пракуратуры, у Дэпартаменты тэхніку і буднагляду, у адміністрацыю Лукашэнкі. Аднак ні ўлада, ні наглядныя органы цяпер не адказваюць - як вады ў рот набралі. Ніхто не хоча браць на сябе адказнасць за парушэнне правоў жыхароў.

«Няўжо трэба выйсці на Плошчу, каб нашу праблему пачулі і спынілі парушэнні ў архітэктуры горада і адміністрацыі Фрунзенскага раёна?» - так піша ў Генеральную пракуратуру жыхарка дому Алена Папковіч.

Заднім лікам, у дадатак да будоўлі, на ТАА аформленая стаянка на 12 месцаў. Не будзе ні каштанаў, ні месца прыпаркаваць аўто, ні горкі для дзіцячых санак. «Міла», прэч з нашага двара!», - патрабуюць жыхары.

Напісаць каментар 11

Таксама сачыце за акаўнтамі Charter97.org у сацыяльных сетках