Фотафакт: Дыктатару на суботніку забетанавалі ногі

Лукашэнка мог назаўсёды застацца стаяць у зале харэаграфіі Цэнтра алімпійскай падрыхтоўкі ў мастацкай гімнастыцы.

22 красавіка Лукашэнка ўзяў удзел у рэспубліканскім суботніку. Ён працаваў на будаўніцтве Цэнтра алімпійскай падрыхтоўкі ў мастацкай гімнастыцы, які ўзводзіцца на праспекце Пераможцаў у Менску.

У зале харэаграфіі ў Аляксандра Лукашэнкі захраслі ногі ў бетоне. Гэта відаць на фотаздымках БелТА. Калі б бетон паспеў застыць - Лукашэнка мог бы назаўсёды застацца стаяць у зале харэаграфіі Цэнтра алімпійскай падрыхтоўкі ў мастацкай гімнастыцы.

Як інфармуе прэс-служба Лукашэнкі, дыктатар працаваў у складзе брыгады ў зале харэаграфіі. Там бетанавалі маналітную падлогу. Аляксандр Лукашэнка паставіў задачу скончыць будаўніцтва цэнтра да сакавіка 2018 года. «Усё павінна быць функцыянальна, нічога лішняга», - сказаў ён.