Экзітпол: Макрон пазмагаецца ў другім туры з Ле Пен
21- 23.04.2017, 21:15
- 14,300
Пераможцам першага тура выбараў прэзідэнта Францыі стаў лідар руху «Наперад!» Эмануэль Макрон.
Вынікі апытанняў на выхадзе з выбарчых участкаў паказалі, што лідарам у першым туры прэзідэнцкіх выбараў у Францыі стаў Эмануэль Макрон. Ён набраў блізу 24 адсоткаў галасоў, паведамляе meduza.io.
Другое месца ў першым туры заняла лідарка «Нацыянальнага фронту» Марын Ле Пэн (22%), яна стане апаненткай Макрона ў другім туры.
Кандыдат ад «Рэспубліканцаў» Франсуа Фіён набраў блізу 20 адсоткаў, столькі ж атрымаў Жан-Люк Меланшон. Прадстаўнік Сацыялістычнай партыі Бенуа Амон набраў 6,5 працэнта.
ALERTE INFO. Les premières estimations, avec @elabe_fr https://t.co/JAxS73sRgp pic.twitter.com/bjDosRtRXL
— BFMTV (@BFMTV) 23 апреля 2017 г.
З 21:00 паводле Менску пачнецца публікацыя афіцыйных звестак з выбарчых участкаў па меры падліку галасоў. Іх можна будзе бачыць у рэжыме рэальнага часу на сайце МУС Францыі.
Апытанні, праведзеныя да выбараў, паказалі, што калі ў другі тур выйдзе Ле Пен, то канчатковую перамогу атрымае яе спаборнік — Макрон або Фіён. Калі ж у другі тур выйдуць разам Макрон і Фіён, то большасць апытаных выказалі жаданне прагаласаваць за Макрона.
Первые результаты президентских выборов во Франции выглядят так - https://t.co/dhKCMKN0qm pic.twitter.com/Ucdx1jkRQv
— Радио Свобода (@SvobodaRadio) 23 April 2017
