У Парыжы за Ле Пэн прагаласавала менш за 5% выбарцаў

Макрон упэўнена абагнаў прарасейскую кандыдатку ў найбуйнейшых гарадах Францыі.

Паводле звестак МУС Францыі, выбарцы найбуйнейшых гарадоў Францыі ў першым туры прэзідэнцкіх выбараў аддалі перавагу не галасаваць за Эмануэля Макрона. Так, у Парыжы за Марын Ле Пен прагаласавалі 4,99% выбарцаў. 34% жыхароў французскай сталіцы падтрымалі Макрона, 26% — Франсуа Фіёна, адзначае РБК.

У Ліёне Ле Пэн заняла чацвёртае месца, атрымаўшы 16%. Першыя два месцы ў гэтым горадзе атрымалі Макрон (26%) і Фіён (23%).

У дэпартаменце Жыронда (сталіца — Бардо) Ле Пэн атрымала 18%, саступіўшы Макрону і Жану-Люку Меланшону. Аналагічная сітуацыя склалася і ў Тулузе, дзе ў лідаркі Нацыянальнага фронту 16% падтрымкі.

Пры гэтым Ле Пэн падтрымалі ў Марсэлі, Ніцы, дзе Нацыянальны фронт у першым туры атрымліваў першае месца і на парламенцкіх выбарах, а таксама на поўначы краіны, дзе яна атрымала больш за 30% галасоў.

Найбольшы працэнт Ле Пэн атрымала ў дэпартаменце Эна, які знаходзіцца недалёка ад мяжы з Бельгіяй. Там за лідарку Нацыянальнага фронту прагаласавалі 35% выбарцаў. Макрон атрымаў больш за 30% у Парыжы, а таксама ў адным з дэпартаментаў у правінцыі Брэтань на захадзе Францыі.