Як МТС падманвае кліентаў

Прачытайце самі і раскажыце ўсім, хто выкарыстоўвае тарыф «пенсійны».

Пра гэта ў «Фэйсбуку» напісала беларуская журналістка Адар'я Гуштын:

«Сваячка трапіла на мінус 60 рублёў за тое, што, сама таго не ведаючы, у роўмінгу зайшла ў інтэрнэт. Гэта магчыма, калі wifi перарываецца, а вы забыліся выключыць «мабільныя звесткі».

Вядома, калі вы дасведчаны карыстальнік, такое наўрад ці здарыцца. Але калі ў вас тарыф «пенсійны», такое вельмі нават магчыма. Мяне здзівіла, што можна ўвайсці ў такі вялікі мінус (за тры дні «накапалі» 6 МБ трафіку). Якім жа быў мой шок, калі высветлілася, што на гэтым «пенсійным» (!) тарыфе можна загнаць сябе ў мінус да 121 рубля – гэта як абаненцкая плата за 170 гадоў. І паменшыць гэты ліміт немагчыма!

Сваячка папярэдне спрабавала гэта зрабіць у офісе МТС. «Сістэма сама разлічвае гэта, ліміт паменшыць немагчыма», - растлумачылі ёй. Кліент пры падключэнні, праўда, пра гэта нават не здагадваецца. Сваячка даведалася, напрыклад, што ад нас. І калі вы ў роўмінгу, ваш мінус «даганяе» вас праз некалькі дзён, то значыць, вы не адразу бачыце сапраўдны баланс. На каго гэта разлічана?

На слаба падкаванага ў тэхнічных пытаннях чалавека (пенсіянер, ці школьнік, напрыклад) або на чалавека, які не збіраецца плаціць па сваіх рахунках (алкаголік, напрыклад: затым рахункі праз калектараў або суд аплачваюць яго сваякі).

Што мне гэта нагадала? Крэдыты за пяць хвілін, якія выдаюць нават апошняму алкашу. Прынцып той жа. Мне здаецца, МТС мог бы зарабляць больш сумленна і адкрыта. На такім падмане можна па-хуткаму зарабіць, але разам з гэтым набыць сабе рэпутацыю спекулянта, а не сур'ёзнай кампаніі. Заплаціць запазычанасць не праблема. Проста хто ж захоча далей быць кліентам спекулянта?».