Кабякоў: Беларусь не гатовая да наплыву турыстаў
37- 24.04.2017, 15:21
- 12,601
Беларускі турызм не дацягвае нават да ўзроўню суседзяў.
Кабякоў прызнаў, што Беларусь не гатовая да наплыву турыстаў
На думку прэм'ер-міністра, колькасць прапанаваных паслуг турысту пакуль далёкая ад узроўню суседніх краін.
Пра гэта Андрэй Кабякоў заявіў у інтэрв'ю тэлеканалу на Нацыянальным прававым інтэрнэт-партале.
Прэм'ер адзначыў, што ўвядзенне бязвізавага рэжыму павінна садзейнічаць росту плыні турыстаў у Беларусь.
- Але турыст хоча добра паесці, нядорага адпачыць, каб усе санітарна-бытавыя ўмовы былі на належным узроўні. Давайце задамося пытаннем: мы да такога наплыву турыстаў гатовыя? Не думаю, - прыводзіць словы Кабякова БелТА. - Многія, вяртаючыся з турнэ па еўрапейскіх краінах, прыязджаюць да нас і кажуць: тут сэрвісу недастаткова, там сэрвісу недастаткова. Значыць, трэба ствараць яго.
Паводле слоў прэм'ер-міністра, развіццю бізнэсу і сферы паслуг павінны садзейнічаць дакументы для разняволення прадпрымальніцтва.
Андрэй Кабякоў заявіў, што гаворка ідзе не столькі пра скарачэнне кантрольна-нагляднай дзейнасці, колькі пра яе аптымізацыю, мэтавую накіраванасць.