28 сакавiка 2024, Чацвер, 21:33
Падтрымайце
сайт
Сім сім,
Хартыя 97!
Рубрыкі

Яўген Афнагель: Шукаць логіку ў дзеяннях уладаў складана

1
Яўген Афнагель: Шукаць логіку ў дзеяннях уладаў складана
Яўген Афнагель

Чым больш сціскаць спружыну народнага гневу, тым мацней яна ўдарыць, калі распрастаць.

Пра гэта, каментуючы так званую «справу Белага легіёну», заявіў сайту Charter97.org каардынатар грамадзянскай кампаніі «Еўрапейская Беларусь» Яўген Афнагель.

- Чаму ўлады зноў пайшлі на рэпрэсіўныя дзеянні, у якіх вельмі лёгка давесці палітычны падтэкст?

- Шукаць логіку ў дзеяннях уладаў складана. Гэта датычыцца і масавых арыштаў у сакавіку, і разгону акцыі ў Дзень Волі, і «справы патрыётаў». Мабыць, ініцыятарам рэпрэсій здаецца, што такім чынам можна захаваць рэжым. Але захоп новых закладнікаў не развяжа праблем з падзеннем заробкаў і пенсій, не дапаможа спыніць рост коштаў і камунальных аплатаў і тым больш не паменшыць узровень нянавісці беларусаў да ўладаў. Наадварот, як паказвае досвед іншых краін, чым больш сціскаць спружыну народнага гневу, тым мацней яна ўдарыць, калі распрастаць.

- Што трэба рабіць, каб рэальна дапамагчы фігурантам «справы патрыётаў»?

- Беларускай апазіцыі не раз атрымоўвалася дамагчыся вызвалення вязняў рэжыму. Для гэтага неабходна мець тры рэчы.

Праваабаронцам трэба прызнаць відавочны факт: у краіне з'явіліся блізу 20 новых палітычных зняволеных. Магчыма, нават гэтага кроку будзе дастаткова для вызвалення удзельнікаў «справы патрыётаў». Калі ж некаторыя праваабаронцы будуць чакаць суда, то колькасць вязняў рэжыму можа вырасці, бо іншага спосабу размовы з апанентамі, акрамя рэпрэсій улады не ведаюць.

Заходнім краінам і міжнародным арганізацыям трэба заняць жорсткую пазіцыю ў дачыненні да Лукашэнкі і тым супрацоўнікам спецслужбаў, сілавікам, суддзям, якія парушаюць законы. Натуральна, што супраць іх неабходна ўвесці санкцыі. А ўсякія далейшыя размовы еўрапейскіх чыноўнікаў з беларускімі ўладамі патрэбна пачынаць з патрабавання спыніць рэпрэсіі.

Патрэбная салідарнасць з арыштаванымі ўнутры краіны. Ужо цяпер сотні беларусаў адгукнуліся на заклік аб зборы сродкаў для іх сем'яў, распаўсюджваюць інфармацыю пра вязняў у сеціве. Патрабаванне вызваліць удзельнікаў «справы патрыётаў» і заклік да салідарнасці з імі павінны гучаць на вулічных акцыях апазіцыі, у заявах вядомых палітыкаў і грамадскіх дзеячаў, у незалежных СМІ.

Упэўнены, што ўсе разам мы зможам дамагчыся і хутчэйшага выхаду на свабоду вязняў рэжыму, і спынення рэпрэсій.

Напісаць каментар 1

Таксама сачыце за акаўнтамі Charter97.org у сацыяльных сетках