Магерыні ў РФ - Лаўрову: Пазіцыя ЕЗ - непрызнанне анэксіі Крыма

У Еўразвяза і Расеі «розныя ацэнкі» таго, што адбылося з Крымам і што адбываецца на Данбасе.

Еўрапейскі Звяз з ягонымі партнёры не мерацца прызнаваць анэксію Крыма Расеяй - гэта прынцыповая пазіцыя. Пра гэта прадстаўніца ЕЗ у пытаннях замежнай палітыкі і палітыкі бяспекі Фэдэрыка Магерыні заявіла на супольнай з кіраўніком МЗС РФ Сяргеем Лаўровым прэс-канферэнцыі ў Маскве, піша eurointegration.com.

«Мы таксама казалі пра тое, што Вы (звярнулася яна да Лаўрова - заўвага) назвалі «сістэмнымі адрозненнямі»: гэта непрызнанне анэксіі з боку ЕЗ. Гэта прынцыповая пазіцыя, якую мы будзем захоўваць. І не толькі ЕЗ, але і нашы партнёры», - заявіла яна.

Магерыні назвала сённяшнія перамовы з міністрам замежных спраў Расеі «карыснымі і канструктыўнымі», але падкрэсліла, што ў ЕЗ і РФ «розныя ацэнкі» наконт канфлікту на ўсходзе Украіны і анэксіі Крыма.

Са слоў еўрачыноўніцы, на сустрэчы абмяркоўваліся крокі выканання «дарожнай карты» менскіх пагадненняў.