Рассельгаснагляд далей адхіляе беларускія прадукты

Забарона закранула пастаўкі мяса і рыбнай прадукцыі з шэрагу прадпрыемстваў Беларусі.

Як паведамляецца ў матэрыялах установы, гэтая пастанова прынятая ў выніку праверкі, праведзенай у красавіку спецыялістамі службы, паведамляе «Інтэрфакс».

Абмежаванні ўведзеныя ў дачыненні да ТАА «Камчацкая рыба» (перапрацоўка і захоўванне рыбнай прадукцыі), філіі «Століннарыхтпрамгандаль» Столінскага спажывецкага таварыства (забой і перапрацоўка свіней і буйной рагатай жывёлы), Любанскага кааппрама (забой свіней і буйной рагатай жывёлы, разбор свініны і ялавічыны), пінскага мясакамбіната, ТАА «Мяскоў-МПП» і ЗАТ «МераГолд» (захоўванне свежамарожанай рыбы і морапрадуктаў).

Забарона дзейнічае з 23 красавіка 2017 года.

Як заяўлялі раней у Рассельгаснаглядзе, справаздачу аб праведзенай інспекцыі была накіраваная беларускім калегам на мінулым тыдні. Служба папрасіла іх выключыць са спісу прадаўцоў шэраг мясных прадпрыемстваў, якія былі заўважаныя ў тым, што зразалі таўры з забароненага да ўвозу ў РФ мяса, і ліквідаваць выяўленыя на іншых прадпрыемствах хібы.

На пачатку траўня Рассельгаснагляд плануе новую праверку прадпрыемстваў Беларусі, якія вырабляюць мясную, малочную і рыбную прадукцыю.

Інспекцыі праводзяцца ў сувязі з тым, што шэраг прадпрыемстваў Беларусі быў заўважаны ў пастаўках украінскай ялавічыны пад выглядам беларускай. Акрамя таго, да беларускай прадукцыі былі прэтэнзіі ў дачыненні да яе ветэрынарна-санітарнай бяспекі.