Сталая прадстаўніца пры ААН: ЗША могуць нанесці ўдар па КНДР у адказ на выпрабаванні ракет

Вашынгтон таксама накіраваны на супрацоўніцтва з міжнароднай супольнасцю, якая яднаецца вакол паўночна-карэйскага пытання.

Сталая прадстаўніца ЗША пры ААН Нікі Хэйлі не выключыла, што амерыканскія вайскоўцы могуць нанесці ўдар па КНДР, калі Пхеньян прадоўжыць выпрабаванні балістычных ракет.

«Мы нічога не будзем рабіць да таго часу, пакуль ён (Кім Чэн Ын - Заўвага.) не дасць нам падставы для дзеянняў. Калі вы ўбачыце, як ён атакуе вайсковую базу, калі вы ўбачыце якую-небудзь міжкантынентальную балістычную ракету, то мы, безумоўна, гэта зробім», - сказала Хэйлі ў эфіры тэлеканала NBC, адказваючы на пытанне, ці разглядаюць ЗША магчымасць папераджальнага ўдару па КНДР.

Яна таксама ўдакладніла, што канчатковая пастанова будзе прымацца прэзідэнтам ЗША. Пры гэтым дыпламатка адзначыла, што Вашынгтон не шукае вайны з Пхеньянам і накіраваны на супрацоўніцтва з міжнароднай супольнасцю, якая «цяпер вельмі з’яднаная» вакол паўночна-карэйскага пытання.

Асобна Хэйлі падкрэсліла, важнасць узаемадзеяння ЗША з Кітаем, які, з ейных слоў, адчувальна цісне на ўлады Паўночнай Карэі.