У ЕГУ закончыўся конкурс на пасаду рэктара

Пасаду рэктара застанецца вакантнай да канца 2017 года.

Конкурс на пасаду рэктара Еўрапейскага гуманітарнага ўніверсітэта (ЕГУ) у Вільні быў апублікаваны 22 лістапада 2016 года. Міжнародны конкурс быў праведзены пры падтрымцы кансалтынгавага агенцтва «Mercuri Urval» у Брусэлі і пад эгідай Швэдскага агенцтва міжнароднага супрацоўніцтва ў галіне развіцця.

Камітэт адбору быў сфармаваны з ліку прадстаўнікоў адміністрацыі, Агульнага сходу сузаснавальнікаў, Кіраўніка рады, Сэната і студэнцкай супольнасці ўніверсітэта. Былі праведзены шэсць пасяджэнняў Камітэта для адбору з дапамогай тэлеканферэнцый і вочных сустрэч, паведамляе ehu.lt.

7 сакавіка падчас дзённага пасяджэння ў Вільні чальцы Камітэта для адбору правялі гутаркі з 3 з 29 кандыдатаў, якія падалі заяўкі. Адзін з прэтэндэнтаў быў ухвалены ў якасці фінальнага кандыдата і з ім былі ініцыяваныя перамовы, аднак дамова не была ўкладзеная па ўзаемнай згодзе.

Камітэт адбору прыйшоў да высновы, што на гэтым этапе ніводзін прыдатны кандыдат не можа быць прызначаны на пасаду Рэктара. Камітэт адбору рэкамендаваў Агульнаму сходу сузаснавальнікаў і Кіраўнічай радзе перанесці правядзенне Конкурсу на другую палову 2017 года.

Часова выканаўцам абавязкаў рэктара Ёргэн Ёргэнс пагадзіўся прадоўжыць працу на сваёй пасадзе да канца 2017 года.