Фотафакт: Крабы апанавалі Кубу

Прыроднае шоў пад назвай «сезон крабаў» кожны год прыцягвае на выспу мноства турыстаў.

Кожны год у красавіку на Кубе надыходзіць «сезон крабаў» — першы этап міграцыі чырвонага краба, калі асобіны жаночага і мужчынскага полу сустракаюцца разам. На час міграцыі крабаў на Кубе дзейнічаюць абмежаванні для транспарту, уладальнікі якога павінны перасоўвацца з асцярогай, паколькі пад колы могуць патрапіць адразу сотні ракападобных, піша gazeta.ru.

Завяршальным этапам мерапрыемства становіцца паход самак да мора, яны адкладаюць ікру і вяртаюцца назад у лес. Тысячы чырвоных, пурпуровых і пунсовых крабаў пакідаюць свае пячоры і павольна накіроўваюцца да мора. Гэта прыроднае шоў кожны год прыцягвае мноства турыстаў.