У Менску Ананіч выявілі ў выглядзе тэлепузіка
24- 26.04.2017, 10:15
- 22,408
Графіці з'явілася недалёка ад станцыі метро «Фрунзенская».
Невядомыя вулічныя мастакі працягваюць ляпіць па горадзе налепкі чыноўнікаў - змест малюнкаў высмейвае схільнасці або словы канкрэтных асоб.
Так, раней на такіх налепках ужо з'яўляліся міністр унутраных спраў Шуневіч, кіраўнік менскага АМАП Балаба, старшыня Белтэлерадыёкампаніі Давыдзька.
Цяпер у вобразе тэлепузіка з'явілася і міністр інфармацыі Лілія Ананіч, паведамляе nn.by.
«Гэта я спрабую закрыць СМІ, дзе вы чытаеце навіны», - такімі словамі суправаджаецца мініяцюра.
Налепка знаходзіцца непадалёк ад станцыі метро «Фрунзенская» і Інстытута журналістыкі БДУ.