«Пачакаем, пакуль хто-небудзь пакалечыцца»

Жыхары Урыцкага не могуць дамагчыся ад чыноўнікаў парадку каля дзіцячай пляцоўкі.

За апошнія гады ў пасёлку Урыцкае пабудавалі 6 пяціпавярховых дамоў, прызначаных у асноўным для шматдзетных сем'яў. Паўгода таму будоўля скончылася, працоўныя з'ехалі, але памяць аб сабе пакінулі. Будаўнічае смецце, драты, якія тырчаць з зямлі, безгаспадарныя слупы, разрытыя яміны, бытоўка — і ўсе гэта побач з дзіцячай пляцоўкай.

— Мы скардзіліся і ў адміністрацыю пасёлка, і ў водаканал, але атрымлівалі банальныя адпіскі. Пасля звароту ў міліцыю злодзеяў сталі шукаць, але прыняць меры, каб люкі зачыніць ці засцерагчы, ніхто дагэтуль не можа, — распавяла «Сильным Новостям» Вольга Канстанцінава.

У жанчыны «цямнее ў вачах», як толькі пачынае ўяўляць, што можа адбыцца на такой тэрыторыі.

— У адміністрацыі пасёлка нас ніхто не чуе і ўпарта працягваюць рабіць выгляд, што гэтая чарговая праблема іх не датычыць...