У Беларусі з 1 траўня падаражэюць цыгарэты
10- 26.04.2017, 19:33
- 34,403
Падаражанне закране некаторыя тыпы цыгарэт.
У Беларусі з 1 траўня падаражэюць некаторыя тыпы цыгарэт. Як інфармуе БелТА са спасылкай на прэс-службу Міністэрства падаткаў і збораў, падаражанне закране прадукцыю Гарадзенскай тытунёвай фабрыкі «Нёман» і прадукцыю прадпрыемства «Тытунь-Інвест». З гарадзенскіх цыгарэт на 5 капеек падымецца кошт Pall Mall і Rothmans.
З прадукцыі «Тытунь-Інвест» даражэюць на 3 капейкі цыгарэты LD, некаторыя тыпы Monte Carlo і Camel. На 5 капеек падаражэюць Camel Compact Activate Yellow. На 12 капеек патаннеюць цыгарэты Camel Black, якія з 1 красавіка падаражэлі на 20 капеек.
Вядома, што падаражэюць Winston Blue & Green. На 5 капеек падымецца кошт на Rothmans Demi Blue і Rothmans Demi Silver.