Улады павялічваюць войска «дармаедаў»
10- 27.04.2017, 11:21
- 15,924
У Беларусі далей звальняюць больш, чым прымаюць на працу.
У Беларусі прадаўжае скарачацца колькасць працоўных месцаў. У сакавіку на чыстай аснове быў звольнены 4 961 чалавек. Усяго на працу прынялі 45 971 чалавек, а звольнілі 50 932, паведамляе belmarket.by.
У прамысловасці было звольнена на 1537 чалавек больш, чым прынята на працу. Усяго звольнілі 10 857 чалавек, а прынялі 9 120.
У будаўніцтве працуюць стала на 816 чалавек менш. За сакавік прынялі на працу 4 878 чалавек, а звольнілі 5 694.
У гандлі і тэхнічным абслугоўванні транспартных сродкаў колькасць працоўных скарацілася на 1 196. Звольнілі 8 342 чалавека, а прынялі на працу 7 146.
Колькасць прынятых на працу перавысіла колькасць звольненых у сельскай, лясной і рыбнай гаспадарцы, што звязана з сезоннасцю занятасці ў гэтых сферах. На працу ў сакавіку ўзялі 8 348 чалавек, а звольнілі 7 209.
Таксама расце колькасць працоўных у інфармацыі і сувязі, дзе было звольнена 732 чалавекі, а прынята на працу 875.