Затрыманы начальнік транспартнай інспекцыі Гомельскай вобласці

Сяргей Чучвага быў затрыманы ў сваім працоўным кабінеце яшчэ ў сярэдзіне мінулага тыдня.

Затрыманы начальнік транспартнай інспекцыі Гомельскай вобласці Сяргей Чучвага, паведамілі tut.bytut.by дзве не звязаныя паміж сабой крыніцы.

Пра тое, што затрыманы начальнік транспартнай інспекцыі, журналістам паведаміла ананімная чытачка. Гэтую інфармацыю таксама пацвердзіла крыніца ў праваахоўных органах. Паводле яе звестак, яшчэ ў сярэдзіне мінулага тыдня кіраўнік быў затрыманы ў сваім працоўным кабінеце. У Транспартнай інспекцыі Гомельскай вобласці інфармацыю аб затрыманні начальніка каментаваць адмовіліся, аднак, паведамілі, што Сяргей Чучвага адсутнічае на працоўным месцы.

У цэнтральным апараце Транспартнай інспекцыі Мінтрансу таксама не змаглі пацвердзіць або зняпраўдзіць затрыманне і параілі звярнуцца ў адпаведныя органы. СК інфармацыю пакуль не каментуе.

Характэрна, што амаль год таму была распачатая крымінальная справа ў дачыненні да начальніка аддзела філіяла ГУ «Транспартная інспекцыя Міністэрства транспарту і камунікацый», які быў затрыманы з довадамі злачынства непасрэдна пасля атрымання незаконнага ўзнагароджання. Знаходзячыся пад аператыўным кантролем, транспартнік атрымаў ад індывідуальнага прадпрымальніка 1150 даляраў за тое, каб ягоныя грузавыя аўтамабілі не ўзважваліся, а дакументы на груз не правяраліся.