Як зменіцца праца транспарту ў працоўную суботу і выходныя

30 красавіка і 1 траўня ўносяцца змены ў працу гарадскога транспарту Менска.

Падрабязнасці паведамляе «Сталічны транспарт і сувязь», піша tut.by.

Часовыя змены

1 траўня будзе зменены рэжым працы буйных гандлёвых прадпрыемстваў Менска. Таму аўтобусы маршрутам №76э, 83э, 89э, 114с, 125, 151э працаваць не будуць. Замест гэтага арганізуюць маршрут №134с, а на маршрутах №130, 140 павялічаць колькасць аўтобусаў.

У выхадныя 30 красавіка і 1 траўня на вуліцы Акадэмічнай (участак ад праспекта Незалежнасці да Платонава) будзе рамонт. З гэтай прычыны:

— рух аўтобусаў №№20С арганізуецца на вуліцы Сурганава да плошчы Бангалор з выкананнем усіх прыпынкаў на змененым участку;

— рух аўтобусаў №37 у напрамку дыспетчарскай станцыі «Карбышава» арганізуецца на вуліцах Платонава, Сурганава, праспекце Незалежнасці з выкананнем на змененым участку прыпынку «Акадэмічная».

Пастаянныя змены

Акрамя таго, з 1 траўня адкрываецца рух па вуліцы Старынаўскай. Таму аўтобусы па маршрутах №31, 86, 155, 172Э, 306 будуць прытрымлівацца як раней (толькі без прыпынку «Старынаўская» для маршрутаў №86, 155). Пры гэтым пасадка ў аўтобус магчымая на прыпынку «Рынак Уручча-3».

Таксама з траўня адновяць маршрут №399. Пры гэтым аўтобус не будзе спыняцца на пунктах «Гарбатава, 74», «Гарбатава, 73», але будзе ісці праз новы прыпыначны пункт «Герояў 120-й Дывізіі» у абодвух напрамках.

У сувязі з нізкім пасажырапатокам з 1 траўня аўтобус №31 не будзе спыняцца на пунктах «Бэзавая», «Музей валуноў».