Дыетолаг назвала сем прадуктаў, якія зараджаюць энэргіяй
- 29.04.2017, 16:08
- 20,128
Нью-ёрскі дыетолаг Кэры Гласман распавяла аб прадуктах, якія надаюць сіл і энэргіі.
Кожнаму знаёмае адчуванне стомленасці і разбітасці па раніцах нават пасля паўнавартаснага сну, піша Prevention (пераклад - nv.ua). На думку экспэрта, гэта непасрэдна звязана з харчаваннем, таму атрымаць зарад бадзёрасці можна з дапамогай некаторых прадуктаў, якія насычаюць арганізм вітамінамі, мінераламі і спрыяюць добраму страваванню. Дыетолаг прапануе дадаць у ранішні рацыён наступныя прадукты:
1. Чорны шакалад
Як распавядае экспэрт, шакалад з утрыманнем какава не менш за 80% - добрая крыніца энэргіі. Дзякуючы вялікай колькасці антыаксідантаў і нізкаму ўтрыманню цукру, чорны шакалад надае бадзёрасці і павышае настрой. Каб атрымаць максімальную карысць ад прадукту, дастаткова ўсяго 2-3 долькі.
2. Імбір
Эфірныя алеі, якія ўтрымліваюцца ў імбіры, дапамагаюць пазбавіцца ад апатыі і млявасці. Акрамя таго, дзякуючы вітамінам і амінакіслотам, імбір дапамагае павысіць імунітэт і палепшыць страваванне.
3. Цытрусавыя
Дзякуючы высокаму ўтрыманню вітаміну С і антыаксідантаў, цытрусавыя ўмацоўваюць нервовую сістэму і зараджаюць арганізм энэргіяй. Асаблівай карысцю адрозніваюцца апельсіны, лімоны і грэйпфруты.
4. Міндаль
Арэх багаты антыаксідантамі і фосфарам, дзякуючы чаму ён карысны для разумовай дзейнасці і нервовай сістэмы. Акрамя таго, ён паляпшае сон і страваванне.
5. Гарбузовыя
Гарбузовыя семачкі ўтрымоўваюць магній, жалеза, кальцый, бялок і іншыя вітаміны і мінералы, якія ў комплексе павышаюць працаздольнасць. Таксама, яны дабратворна ўплываюць на страваванне і нервовую сістэму.
6. Чарніцы
Чарніцы вядомыя мноствам карысных уласцівасцяў. Адна з іх - павышэнне мазгавой актыўнасці. Таксама, яны змагаецца з дрымотнасцю, галавакружэннем і апатыяй.
7. Гранат
Фрукт змяшчае кальцый, магній і калій, якія адыгрываюць важную ролю ў добрым фізічным і маральным самаадчуванні. Дзякуючы ўнікальнаму складу, ён напаўняе энэргіяй, павышае супраціўляльнасць да інфекцый, паляпшае апетыт.