У Кіеў прыбылі двое першых удзельнікаў «Еўравізіі»
- 29.04.2017, 18:40
- 17,150
Памежная служба прапускае ўдзельнікаў конкурсу ў прыярытэтным парадку і асаблівую ўвагу звяртае на бяспеку.
Учора, 28 красавіка, у Кіеў прыехалі два першыя ўдзельнікі песеннага конкурсу «Еўравізія-2017». Пра гэта паведамляе liga.net са спасылкай на Дзяржаўную памежную службу Украіны.
Удзельнікаў аформілі ў аэрапортах Барыспаль і Кіеў. Усяго для ўдзелу ў конкурсе і яго забеспячэнні прыляцелі 13 чалавек.
Дзяржаўная памежная служба разам з фіскальнай службай прапускае ўдзельнікаў «Еўравізіі» ў прыярытэтным парадку.
Чакаецца, што 70% гасцей прыбудуць самалётамі, 20% - аўтамабільным транспартам і яшчэ 10% - чыгуначным.
На ўсе мерапрыемствы «Еўравізіі-2017» у Кіеў прыедуць больш за 20 тысяч замежных гасцей.