Стогадовую мяжу пераадолелі 416 беларусаў

Традыцыйна сярод айчынных доўгажыхароў у лідарах жанчыны.

Стогадовую мяжу пераадолелі 416 жыхароў Беларусі, паведамілі БелТА ў Міністэрстве працы і сацыяльнай абароны.

Сярод айчынных доўгажыхароў жанчын у 8,5 разоў больш, чым мужчын: сваё 100-годдзе адзначылі 372 жанчыны і 44 мужчыны.

Са слоў спецыялістаў, на 1 красавіка гэтага года ў краіне сем беларусаў знаходзяцца ва ўзроставай катэгорыі 110 гадоў і старэйшыя, з іх адзін чалавек - жыхар Гарадзенскай вобласці - ва ўзросце 115 гадоў і старэйшыя.

Гарадзенская вобласць традыцыйна ў лідарах сярод рэгіёнаў краіны ў колькасці доўгажыхароў: тут на 1 красавіка гэтага года налічвалася 77 чалавек ва ўзросце больш за 100 гадоў.

На другую пазіцыю геранталагічнага рэйтынгу паднялася Менская вобласць (68), адсунуўшы на трэцяе месца Віцебскую вобласць (65). У Гомельскай вобласці пражываюць 60 чалавек, якія ўжо адзначылі свой векавы юбілей, у Берасцейскай - 53, у горадзе Менску - 49, у Магілёўскай вобласці - 44.