29 сакавiка 2024, Пятніца, 2:02
Падтрымайце
сайт
Сім сім,
Хартыя 97!
Рубрыкі

Дэпутата, які прапанаваў здаць Крым у арэнду РФ, пазбавілі грамадзянства Украіны

7
Дэпутата, які прапанаваў здаць Крым у арэнду РФ, пазбавілі грамадзянства Украіны
АНДРЭЙ АРЦЁМЕНКА

Гэта стала ўнікальным і першым за 26 гадоў украінскай незалежнасці выпадкам.

Прэзідэнт Украіны Пятро Парашэнка ў суботу, 29 красавіка, падпісаў указ аб спыненні грамадзянства народнага дэпутата Украіны Андрэя Арцёменкі, які раней нібыта перадаў былому дарадцу Дональду Трампу Майклу Фліну план нармалізацыі стасункаў паміж Украінай і Расеяй. Пра гэта на старонцы ў Facebook паведаміў лідар «Радыкальнай партыі» Украіны Алег Ляшко.

З ягоных слоў, Арцёменку пазбавілі грамадзянства «ў сувязі з добраахвотным набыццём ім у 2005 годзе грамадзянства Канады».

«Гэта ўнікальны і першы за 26 гадоў Незалежнасці выпадак, калі дзяржаўны чыноўнік адказаў за парушэнне Канстытуцыі Украіны, якое прадугледжвае толькі адно — Украінскае! — грамадзянства. Цяпер Арцёменка і ягоныя абаронцы будуць крычаць, што Канстытуцыя Украіны забараняе пазбаўляць грамадзянства. Пазбаўляць — так, а спыняць — не, не забараняе!», — адзначыў Ляшко.

«Цяпер мы будзем патрабаваць, каб парламент на першым пленарным пасяджэнні 16 траўня датэрміновыя спыніў дэпутацкія паўнамоцтвы Арцёменкі», — падкрэсліў народны дэпутат.

Ляшко таксама дадаў, што паводле яго інфармацыі, раніцай у суботу Арцёменка вылецеў у Вену і выказаў надзею, што па вяртанні ён здасць украінскі пашпарт.

Як вядома, раней ГПУ звярнулася да міністра ўнутраных спраў Арсена Авакава з просьбай ініцыяваць праз Дзяржаўную міграцыйную службу працэдуру спынення ўкраінскага грамадзянства Арцёменкі.

Напісаць каментар 7

Таксама сачыце за акаўнтамі Charter97.org у сацыяльных сетках