БАТЭ ўзначаліў табліцу чэмпіянату Беларусі
- 30.04.2017, 21:41
- 7,349
Барысаўцы перамаглі салігорскі «Шахцёр» і аднаасобна ўзначалілі турнірную табліцу.
29 і 30 красавіка былі згуляныя матчы пятага тура чэмпіянату Беларусі ў футболе. Цэнтральная гульня прайшла ў Барысаве ў нядзелю. «Шахцёр» у статусе лідара першынства прыехаў у госці да БАТЭ і саступіў з мінімальным лікам - 0:1.
Такім чынам, барысаўцы ўзначалілі турнірную табліцу чэмпіянату Беларусі. На рахунку БАТЭ стала 11 балаў. На другім радку магілёўскі «Дняпро» – 10.
Наступны матч чэмпіянату, які адбудзецца 6 траўня, БАТЭ правядзе ў гасцях у «Славіі».