Тэхналогіі «года навукі»: Пад Віцебскам вяроўкамі выцягвалі каня, што захрас у зямлі па шыю
13- 7.04.2017, 12:47
- 17,085
Паміж Віцебскам і Лёзна вясковец ехаў на возе па вязкай ад дажджу зямлі.
У службу МНС паступіла паведамленне, што ў полі паблізу вёскі Паляі Воранаўскага сельсавета Віцебскага раёна неабходная дапамога па выманні каня з глейкага грунту, паведамляе прэс-служба МНС.
Да месца выкліку выехалі работнікі ПАСА УМНС. У поле на адлегласці 20 м ад аўтамабільнай дарогі Р-21 Віцебск – Лёзна знаходзілася гужавая павозка з запрэжаным канём. Жывёла рухацца самастойна не магла, пасля правядзення меліярацыйных работ грунт стаў глейкім. Гаспадар каня знаходзіўся на возе.
Работнікамі МНС падаспелі на дапамогу мясцовым жыхарам і з дапамогай выратавальных вяровак, лябёдкі і падручных сродкаў конь быў выняты з «палону». У ветэрынарнай дапамозе жывёла не мела патрэбы.