На базу ў Мачулішчах даставілі расейскія шрубалёты

Другую партыю шрубалётаў Мі-8МТВ-5 даставілі на авіябазу пад Менскам.

Партыя з 6 шрубалётаў стала заканчэннем кантракту ў пастаўцы Мінабароны Беларусі 12 ваенных машынаў. Холдынг «Шрубалёты Расеі» перадаў першую партыю летась восенню. Першапачаткова пастаўка заключнай серыі планавалася сёлета ў траўні, аднак Казанскі шрубалётны завод змог падаць машыны ўжо ў красавіку, паведамляе «БелТА».